第二节
一般传染病的常见病征
要预防传染病，员工首先要认识
一般传染病嘅种类同常见嘅病征，以识别患病嘅学童
向他们提供协助，防止传染病嘅扩散
常见嘅传染病同其病征包括：
流行性感冒，会发烧、咳嗽、打乞嗤、流鼻水、喉咙痛、肌肉痛同疲倦
肠胃炎就会有腹痛、呕吐、腹泻、食欲不振、疲倦同可能发烧
至于水痘，会发烧、疲倦和头部、身躯同手脚出现水泡
而手足口病，会发烧、食欲不振、疲倦、喉咙痛、口腔出现疼痛嘅水泡、手掌同脚掌出现带水泡嘅皮疹
另外结膜炎，俗称红眼症，除咗眼红、眼睛痕痒、泪水增加外、眼睛仲会出现唔正常嘅分泌
但系有啲学童嘅病征未必明显
年幼嘅学童亦可能唔识表达，因此员工必须提高警觉
如果学童出现体温上升
无故哭闹
烦躁不安
食欲不振
虚弱乏力
呼吸急速
经常摔眼
或痕痒等情况，就要及早处理。
当学童体温高于以下图表嘅参考值时，就可能系发烧，应该谘询医生的意见。
例如用口探时，体温喺摄氏37.5度或以上、耳探和肛探喺摄氏38度或以上、腋探喺摄氏37.3度或以上。
而喺量度体温嘅时候
必须注意以下事项
1. 喺选择探热器时，应考虑其准确性、合适、方便同家长接受程度。
2. 要清楚明白探热器嘅正确使用方法。
3. 为了避免因环境或量度方法不同而造成偏差，每日应该在相约嘅时间使用相同嘅方法为学童量度体温。
4. 提醒学童在量度体温前30分钟内，避免运动同进食太冻或太热嘅食物和饮品，以免影响体温。
5. 用红外线额探热器量度体温嘅误差较大，在量度后，如果怀疑学童发烧，应使用其他探热器再次量度。