学校/幼稚园/幼稚园暨幼儿中心/幼儿中心预防传染病指引
第五节
示范
用梘液同清水洗手嘅程序系：
首先冲洗双手
然后加入梘液，用双手擦出泡沫
大家要记住一定要揉擦手掌、手背、指隙、指背、拇指、指尖同手腕，喺揉擦时千祈唔好冲水。
揉擦双手最少20秒后，用清水彻底冲洗干净。
然后用干净毛巾或抹手纸彻底抹干双手，或用干手机将双手吹干。
喺洗干净双手后，唔好再直接触摸水龙头，我哋可先用抹手纸包裹，跟住关上；又或者泼水将水龙头冲洗干净，然后才关上。
注意
唔好同其他人共用毛巾或纸巾
抹手纸用后应放入有盖嘅垃圾桶内
个人用嘅抹手毛巾，应每日至少清洗一次。
用酒精搓手液嘅程序系
将足够份量嘅酒精搓手液倒喺掌心，然后揉擦手掌、手背、指隙、指背、拇指、指尖同手腕至少20秒，直至双手干透。
正确佩戴口罩
首先选择合适尺码嘅口罩，
喺佩戴口罩前，必须先清洁双手
佩戴时，有金属条嗰一边向上；口罩有颜色嗰一面向外；应将有摺纹嗰一面向下同埋向外。
绑紧固定口罩嘅绳，或者将口罩嘅橡筋绕喺耳仔。
将口罩嘅金属条沿鼻梁两侧用手按紧，以确保口罩完全复盖口、鼻同下巴，同紧贴面部。
戴好口罩后，应避免再触摸口罩。
若必须触摸口罩，喺触摸前及后都要彻底清洁双手。
正确脱下口罩
脱下口罩前，应先清洁双手。
由于口罩可能已沾染病菌，脱下口罩时，双手应尽量避免接触口罩。
脱下嘅口罩唔可以重复使用，应立即弃置于有盖嘅垃圾桶内。
脱下口罩后，应再次清洁双手。
调校同使用稀释漂白水嘅方法同步骤系
先打开窗门，使空气流通。
必须着上保护装备，例如口罩、胶手套同护眼罩。
稀释漂白水时必须使用冻水
用量杯准确量度所需漂白水嘅份量
以5.25%次氯酸钠嘅漂白水为例，稀释方法如下：
日常环境清洁，可用1比99嘅份量，方法就系，将10毫升漂白水加入990毫升清水内。
浓度 500 ppm
假如喺呕吐物、排泄物或分泌污染嘅地方或物件，就可用1比49浓度嘅漂白水消毒，调较方法就系将10毫升漂白水加入490毫升清水内。浓度 1000 ppm
假如被血液污染嘅地方或物件，就可用1比4浓度嘅漂白水消毒，调较方法就系将10毫升漂白水加入40毫升清水内。
浓度 10000 ppm
喺用稀释漂白水时，要留意：
避免喺金属、羊毛、尼龙、丝绸、染色布料同油漆表面使用。
另外，切勿触摸眼睛。如果唔小心漂白水弹入眼，要立即用清水冲洗最少15分钟，然后尽快求诊。
由于化学作用，可能导致意外，所以漂白水千祈唔好同其他嘅清洁剂沟埋嚟用。
另外，要注意漂白水应放喺阴凉同埋小朋友掂唔到嘅地方。
由于漂白水嘅有效成份会随住时间分解，因此最好购买近期生产嘅漂白水，同埋唔好过量储存。
稀释后嘅漂白水应该喺24小时内使用。
呕吐物的处理
员工应先着上适当嘅个人防护装备，例如手套、口罩等。
先用吸水力强嘅即弃抹布或物料，由外向内清理可见嘅呕吐物
然后使用适当嘅消毒清洁剂，例如1比49稀释家用漂白水，由外向内清洁消毒被污染嘅地方同附近2米嘅范围。
污物用胶袋密封扎好，放入有盖嘅垃圾桶内。
等15至30分钟，再用清水冲洗并抹干。
金属表面则可用70%酒精抹拭消毒。
处理被污染的床单和衣物
员工须先着上适当嘅个人防护装备，例如手套、口罩；
如有需要，可着上用后即弃嘅保护衣或围裙。
注意！
被污染嘅衣物必须独立处理，首先将固体污秽物去除
然后浸喺1比49稀释家用漂白水里面，
即系1份含5.25%次氯酸钠嘅漂白水，
加入49份清水
等30分钟后，用清水冲洗干净。
然后根据一般清洗衣物嘅程序清洁
此外，职员应避免喺学校同中心内，清洗学童嘅衣服，应小心去除固体嘅污秽物，然后将衣服放入胶袋内，让家长带走，以免细菌喺学校同中心内散播。
为保障学童和你哋嘅健康，员工须熟习同遵守预防传染病嘅控制措施，以减低传染病散播嘅机会。
本署谨此鸣谢
教育局
社会褔利署
协助完成制作此光碟
如欲获得更多有关学校/中心
如何预防传染病的资料，可浏览
卫生防护中心网页www.chp.gov.hk