Skip to content

第二節 一般傳染病的常見病徵

學校/幼稚園/幼稚園暨幼兒中心/幼兒中心預防傳染病指引  

第二節

一般傳染病的常見病徵

要預防傳染病,員工首先要認識

一般傳染病嘅種類同常見嘅病徵,以識別患病嘅學童

向他們提供協助,防止傳染病嘅擴散

常見嘅傳染病同其病徵包括:

流行性感冒,會發燒、咳嗽、打乞嗤、流鼻水、喉嚨痛、肌肉痛同疲倦

腸胃炎就會有腹痛、嘔吐、腹瀉、食慾不振、疲倦同可能發燒

至於水痘,會發燒、疲倦和頭部、身軀同手腳出現水泡

而手足口病,會發燒、食慾不振、疲倦、喉嚨痛、口腔出現疼痛嘅水泡、手掌同腳掌出現帶水泡嘅皮疹

另外結膜炎,俗稱紅眼症,除咗眼紅、眼睛痕癢、淚水增加外、眼睛仲會出現唔正常嘅分泌

但係有啲學童嘅病徵未必明顯

年幼嘅學童亦可能唔識表達,因此員工必須提高警覺

如果學童出現體溫上升

無故哭鬧

煩躁不安

食慾不振

虛弱乏力

呼吸急速

經常摔眼

或痕癢等情況,就要及早處理。

當學童體溫高於以下圖表嘅參考值時,就可能係發燒,應該諮詢醫生的意見。

例如用口探時,體溫喺攝氏37.5度或以上、耳探和肛探喺攝氏38度或以上、腋探喺攝氏37.3度或以上。

而喺量度體溫嘅時候

必須注意以下事項

1. 喺選擇探熱器時,應考慮其準確性、合適、方便同家長接受程度。

2. 要清楚明白探熱器嘅正確使用方法。

3. 為了避免因環境或量度方法不同而造成偏差,每日應該在相約嘅時間使用相同嘅方法為學童量度體溫。

4. 提醒學童在量度體溫前30分鐘內,避免運動同進食太凍或太熱嘅食物和飲品,以免影響體溫。

5. 用紅外線額探熱器量度體溫嘅誤差較大,在量度後,如果懷疑學童發燒,應使用其他探熱器再次量度。