Facebook post (Chinese version only)
2025年8月22日
【酒精可致癌 證據確鑿❗ ❗】
衞生署 #2023年度健康行為調查 顯示📊，全港15歲或以上人士之中，每6人就有1人間中飲酒，每10人就有近1人有定期飲酒習慣，即每星期至少飲酒一次😨。但酒精係第一類致癌物質，已有充分科學證據證明會增加患癌風險！
📄世衞數字：
2020年全球因酒精引發嘅癌症新症估計達74.1 萬宗，包括👉 食道癌18.9萬宗、大腸癌15.6萬宗、肝癌15.4萬宗、女性乳癌9.8萬宗等等！所有酒精飲品，無論係啤酒、紅酒定烈酒，都會增加患癌風險📈
🔎科學解畫：
酒精分解後產生嘅「乙醛」會損害DNA，引發癌症！長期飲酒仲會令上呼吸消化道同胃腸道嘅黏膜變薄，令致癌物更容易穿透、滲入同損害底層組織。飲得越多，患癌風險就越高📈
💡好消息：有心唔怕遲！
研究指出，戒酒可以逆轉某啲同酒精相關嘅致癌機制，即使做唔到滴酒不沾，飲少啲已經可以降低患上口腔癌同食道癌嘅風險✅
🎯 3大必記重點：
1️⃣所有酒精飲品都會增加患癌風險，並冇所謂「安全飲酒量🚫」
2️⃣如果冇飲酒習慣，就唔好開始飲酒
3️⃣戒酒永遠唔怕遲！
👉 #飲酒可致癌 #第一類致癌物質 #認清酒害 #酒飲定唔飲 #為健康再諗諗先 #Rethinkforhealth #UnderstandingAlcoholHarm 💌
2025年8月21日
【📢你今日「碘」夠未？原來只有16%家庭使用加碘食鹽】
煮飯仔落鹽係人都識？No no，香港每6個家庭，只有1個識用✨加碘食鹽✨！
碘係大腦發育嘅「隱形保鏢」，亦係甲狀腺激素嘅必備原料！
長期唔夠碘會：
▫️引發甲狀腺腫大（俗稱大頸泡）
▫️導致甲狀腺功能不足
▫️增加碘缺乏疾病（IDD）風險
🌍世衞建議：
青少年同成年人每日要攝取150微克碘
（約等於👉🏻1茶匙加碘鹽）
👩🏻⚕️衞生署教路：
1️⃣ 換鹽！超市貨架搵有「加碘」標籤嘅鹽
2️⃣ 控鹽！一日唔超過1茶匙鹽（5克）
3️⃣ 配搭！多食含碘量較高食物，例如海產、雞蛋、紫菜
👉 想知更多#2023年度健康行為調查報告書 內容，請到：
https://www.chp.gov.hk/tc/static/101105.html
👉 想知更多關於 「有關市民攝取碘質的聯合建議 」同「加碘食鹽」嘅資訊，請瀏覽：
https://www.chp.gov.hk/files/pdf/joint_recommendation_on_iodine_intake_for_the_public_pamphlet.pdf
https://www.cfs.gov.hk/tc_chi/programme/programme_fii/programme_fii.html
#2023年度健康行為調查 #加碘食鹽 #食鹽 #非傳染病 #BeatNCD
2025年8月20日
【「靜態」生活 = 隱形殺手? 😱】
返工黐住張櫈、外賣直送嘴邊、放工攤喺梳化睇劇... 呢啲「靜態」生活，隨時係隱形殺手！📊 2023年度健康行為調查數據顯示：香港每3個成年人就有1個每日「躺平」8粒鐘以上！成日坐唔郁，會增加心血管疾病、癌症同糖尿病嘅風險，真係唔講得笑❗️
幫緊你幫緊你！以下幾個健康小貼士幫你擺脫隱形殺手，健康即時LEVEL UP ⤴️ ⤴️：
☕ 限制久坐時間：每30分鐘至1個鐘，起身郁一郁，鬆一鬆！例如上班時間，可去茶水間斟吓水，如果喺屋企煲劇，郁住睇，做下深蹲或其他伸展運動。
✔️ 💪🏻💪🏻🏃🏻♀️🏃🏻♂️增加體能活動：為獲得顯著健康裨益，成年人可根據自己的身體狀況和能力，每星期進行最少150–300分鐘中等強度的帶氧體能活動；或最少75–150分鐘劇烈強度的帶氧體能活動；或最少相等於混合中等和劇烈強度活動模式的時間。
🚇 融入生活小習慣：收工早一站落車行一行，或者行樓梯代替搭𨋢，輕鬆又健康！
🔥 即刻Share畀你身邊嘅「靜態」朋友，一齊擺脫久坐危機！
👉 想知更多#2023年度健康行為調查報告書 內容，請到：
https://www.chp.gov.hk/tc/static/101105.html
#2023年度健康行為調查 #靜態行為 #久坐 #非傳染病 #郁多啲 #健康啲 #BeatNCD
2025年8月19日
【📢「胸險管理」 姊妹必讀💪】
Hey！有冇諗過，乳癌其實離我哋好近？大約每14位香港女性就有1位不幸患上乳癌😢唔理你係OL、阿太定靚媽，今次呢個「胸險管理」攻略一定要mark低👇
🎯【高風險婦女】例如：
✅ 確認帶有特定基因突變例如BRCA基因突變
✅有強烈家族乳癌或卵巢癌病史(例如有直系親屬確認帶有BRCA1或BRCA2致病性基因突變；有任何直系或旁系女親屬同時患上乳癌及卵巢癌等)；
✅ 30歲前曾接受胸部放射治療
👉🏻應諮詢醫生意見及每年接受一次乳房X光造影篩查
如果你係高風險婦女，想了解自己係咪合資格參加第二階段乳癌篩查先導計劃，請到﹕https://www.breastscreen.gov.hk/tc/
🎯【中風險婦女】
✅只有1位直系女親屬在50歲或之前確診乳癌
✅有兩位直系女親屬在50歲之後確診乳癌；或
✅44至69歲經乳癌風險評估工具（www.cancer.gov.hk/bctool）評估為罹患乳癌嘅風險增加（包括初經年齡早、第一次生產年齡晚、有良性乳腺疾病等）
👉🏻應諮詢醫生意見及每兩年接受一次乳房X光造影篩查
✨溫馨提示✨
👉🏻篩查有其局限同潛在風險，婦女若考慮乳癌篩查，應先諮詢醫生以了解潛在嘅好處同風險
👉🏻時刻關注乳房健康，熟悉自己乳房平常嘅外表同觸感🙏🏻🙏🏻沖涼換衫時多留意乳房有冇出現異常(例如硬塊)，一旦發現任何異常，應盡快求診👨🏻⚕️👩🏻⚕️，同埋奉行健康生活（包括唔飲酒、恆常運動等），去減低患乳癌嘅風險
除咗關注乳房健康，按風險做乳癌篩查，25-64歲、有性經驗嘅女性，都應該定期接受子宮頸篩查。想了解更多詳情，請瀏覽: https://www.chp.gov.hk/files/pdf/2_cervical_cancer_prevention_and_screening_chi.pdf
👉有關更多乳癌篩查建議，請瀏覽﹕https://www.chp.gov.hk/files/pdf/4_breast_cancer_prevention_and_screening_chi.pdf
👉 想知更多#2023年度健康行為調查報告書 內容，請到：
https://www.chp.gov.hk/tc/static/101105.html
#癌症篩查 #2023年度健康行為調查 #關注乳房健康 #乳房篩查 #評估乳癌風險 #篩查 #非傳染病 #BeatNCD
2025年8月18日
【💖定期接受篩查，預防子宮頸癌💪】
子宮頸癌係女性♀️常見癌症，大多數由持續感染其中一種致癌（或高風險類型）嘅人類乳頭瘤病毒（又稱HPV👾）所引致。科學證據顯示，定期接受子宮頸篩查係有效預防子宮頸癌嘅方法！🛡️
由2004年開始，政府同醫護界聯手推出子宮頸普查計劃👩🏻⚕️👨🏻⚕️，鼓勵25至64歲、有性經驗嘅女性定期接受子宮頸篩查。
🔍【3大重點你要知】🔍
✅ 測試過程簡單快捷，及早發現，及早治療
✅ 30-64歲而曾有性經驗嘅女性，應該定期接受子宮頸篩查。可以選擇每五年接受一次HPV檢測或HPV與子宮頸細胞合併檢測。
✅ 25-29歲有性經驗嘅女性，應該選擇子宮頸細胞檢驗若連續兩年嘅結果正常，之後可以每三年接受一次篩查📅; 30歲後，就可以轉每五年一次HPV檢測
🏥【全港各區任你揀】🏥
家庭醫生、婦科醫生、非政府機構、衞生署嘅母嬰健康院都有提供子宮頸篩查服務。各位姊妹可透過https://www.cervicalscreening.gov.hk/tc/serviceproviders.html搜尋已登記「子宮頸普查資訊系統」嘅服務提供者👩⚕️。
🌸愛自己嘅方式有好多種，定期篩查就係其中一種！請轉發提醒身邊嘅姊妹，一齊做個精明健康女士👯
除咗子宮頸篩查，女性仲需要關注乳房健康，並按照個人化乳癌風險進行篩查，以便盡早發現及治療。想了解更多詳情，請瀏覽: https://www.breastscreen.gov.hk/tc/breast-cancer-screening/
👉 立即了解 #子宮頸普查計劃 ，預防子宮頸癌🔗http://www.cervicalscreening.gov.hk。
👉 想知更多#2023年度健康行為調查報告書 內容，請到：
https://www.chp.gov.hk/tc/static/101105.html
#癌症篩查 #2023年度健康行為調查 #預防子宮頸癌 #非傳染病 #BeatNCD #HPV
2025年8月15日
【🔍 50-75歲必做！大腸偵探團出動💪】
大腸癌係香港最常見癌症之中排第三，2022年就有5190宗新增個案， 2023年更奪走2266條生命，絕對係「沉默殺手」😢！
癌症預防及普查專家工作小組建議，50至75歲嘅無症狀人士應該：
✅ 每1或2年接受大便隱血測試；或
✅ 每5年接受乙狀結腸鏡檢查；或
✅ 每10年接受大腸鏡檢查
🎯政府幫你保持「腸」遠健康！
衞生署自2016年起推出【大腸癌篩查計劃】，資助50至75歲、無症狀嘅香港居民每兩年接受一次篩查。截至2024年年尾，已成功搵出約3400宗大腸癌個案同埋約4萬宗大腸腺瘤個案！經計劃發現嘅大腸癌個案中，超過一半都屬於早期，可見篩查真係好有用㗎！大家都應該積極參加！
💡 溫馨提示：
數據顯示，原來仲有大概一半合資格人士未做篩查😖「無病徵≠無需檢查」❗❗為你健康著想，合資格人士請馬上登記參加大腸癌篩查計劃🙏🏻🙏🏻
👉 了解更多 #大腸癌篩查計劃：http://www.colonscreen.gov.hk
👉 想知更多#2023年度健康行為調查報告書 內容，請到：
https://www.chp.gov.hk/tc/static/101105.html
#癌症篩查 #2023年度健康行為調查 #預防大腸癌 #非傳染病 #BeatNCD
2025年8月14日
【原來每7個香港人就有1個「體能活動不足」😱】
世衞研究顯示﹕體能活動不足係非傳染病重要風險因素之一⚠️，估計超過兩成乳癌、大腸癌、糖尿病以及接近三成缺血性心臟病主要由於體能活動不足所致。💤
根據世衞建議，成年人應每週至少做150分鐘中等強度帶氧體能活動，即平均每日大約30分鐘。
🏃🏻中等強度係指進行體能活動時，呼吸同心跳稍為加快，但仍可以如常講嘢，例如快步行、跳舞
💪🏻上班族可以參考呢套適合係工作間進行嘅「十分鐘 活力操」
https://www.youtube.com/watch?v=80jGGI11_gc
配合適量嘅快步行，有助達到世衞建議嘅體能活動量⤴️
成年人亦可進行等量嘅中等強度同劇烈強度所組合嘅體能活動，以達到世衞建議。
但2023年度健康行為調查發現——
📉 33.9%港人每日「坐」超過8小時
✨最簡單日常體能活動 — 步行👣
✅改善心肺功能🆙
✅減低患上心血管疾病、肥胖、糖尿病同某啲癌症嘅風險⬇️
✅強化肌肉同骨骼🆙
✅改善精神健康🆙
💡小貼士﹕
👉 飯後郁一郁，健康又活力足
👉 早一站落車，步行到目的地
👉 多行樓梯，少搭升降機及扶手電梯
因為無時間、身體疲倦、缺乏同伴、資源或者技巧而唔願郁？ 想克服常見障礙，增加體能活動，👇呢度幫到你：https://www.change4health.gov.hk/tc/physical_activity/facts/overcoming/index.html
#2023年度健康行為調查 #日行萬步 #帶氧體能活動 #健康啲 #BeatNCD
2025年8月13日
【🍷飲酒傷身，三思而後行💀】
酒精係「隱形殺手」！ 😱世衞指出，酒精係造成200多種疾病、身體損傷同其他健康問題嘅風險因素之一，單係2019年，全球就有260萬人因為飲酒而喪命，當中唔少人正值花樣之年🥀
🤨間中暴飲就冇事🤔？
衞生署 #2023年度健康行為調查 顯示📊，全港15歲或以上人士之中，每月暴飲至少一次嘅比例就有2.7%！暴飲行為即係一次過飲約五罐啤酒／五杯餐酒／五杯烈酒。就算只係一次，都可能增加陷入交通事故、家庭暴力，甚至猝死嘅風險🚗💥👊💔
🚨 記住🚨飲酒並無所謂「安全」水平🙅🏻
咪信「小飲怡情」呢個講法！科學證實，即使只係飲少少，都有機會增加患癌風險；酒飲得越多，風險就越高。
🌟 **最健康選擇 — 避免飲酒🚫 **
想放鬆唔一定靠酒精！試吓下面嘅替代方案啦👇
✅ 梳打水+新鮮水果 = 酒精替代飲品🍹
✅ 運動令身體釋放天然快樂物質「安多酚」💦
✅ 無酒精派對一樣好CHILL🎉
✳️ 認清酒害：
https://www.change4health.gov.hk/tc/alcohol_aware/index.html
✳️ 更多關於2023年度健康行為調查報告書內容，請瀏覽：
https://www.chp.gov.hk/tc/static/101105.html
#飲酒危害健康 #健康生活模式 #BeatNCD #認清酒害 #暴飲 #酒飲定唔飲 #為健康再諗諗先
2025年8月12日
【🍎 97%香港人蔬果攝取不足！？你係其中一個嗎？】
每日食最少5份蔬果係世衞推薦嘅「健康密碼」🎁🎁然而，香港15歲以上人士當中，居然有97%未達標😱
🔍 點解5份蔬果咁重要？
蔬果係對抗肥胖、慢性病(包括心血管疾病及某些癌症)、營養不良嘅「天然盾牌」！🛡️ 每日攝取最少400克蔬果，可以改善腸道健康💩、增強免疫力 🚀！而且，唔同顏色嘅蔬果含有唔同嘅營養素🌈，記住要食唔同顏色嘅蔬果，令身體健康啲！！
**日日二加三，公式超簡單**
🍉 水果＝
✔️ 新鮮／冷凍／無糖罐頭水果
✔️ 無添加果乾、純果汁
🚫 甜品蜜餞、高脂水果
🥬 蔬菜＝
✔️ 新鮮／冷凍／無鹽罐頭蔬菜
✔️ 豆類、菇菌、海藻、芽菜
✔️ 純蔬菜汁
🚫 醃製蔬菜、澱粉類植物
🌟 小技巧：
1. 🍎水果當零食：取代薯片朱古力🍫！
2. 「🌈彩虹飲食法」：紅🍅、橙🍊、黃🌽、綠🥦、紫🍆，湊齊5種顏色！
3. 🌟 簡單開始：每餐加一份蔬菜🥬，飯後食一份水果🍇，慢慢養成習慣！
✳️ 想知更多 #日日二加三，請瀏覽：https://www.chp.gov.hk/tc/static/100011.html
👉 1份水果的分量有多少？ https://www.chp.gov.hk/tc/static/90023.html
👉 1份蔬菜的分量有多少？ https://www.chp.gov.hk/tc/static/90024.html
✳️ 更多關於2023年度健康行為調查報告書內容，請瀏覽：
https://www.chp.gov.hk/tc/static/101105.html
#2023年度健康行為調查 #水果 #蔬菜 #膳食纖維 #預防心血管病 #預防癌症 #減低二型糖尿病風險 #日日水果蔬菜二加三 #健康生活模式 #BeatNCD
2025年8月11日
【☠️ 吸煙＝折壽 ☠️】
2024年科學期刊發表的估計顯示，男性吸煙者和女性吸煙者每吸一支煙，壽命分別縮短17分鐘和22分鐘。如果不戒煙，男性和女性一生中分別會縮短10年和11年的壽命！
吸煙除咗會令你口氣難聞、牙齒變黃，同時亦係多種癌症嘅「幕後黑手」！肺癌、咽喉癌、口腔癌、食道癌……統統都同吸煙息息相關。吸煙仲會損害呼吸道同肺部，引致慢性支氣管炎、肺氣腫之類嘅呼吸系統疾病，甚至可能誘發心臟病、中風等心血管疾病💔
全球每年有超過800萬人因為煙草而喪命，當中700萬人係煙民，130萬人係無辜嘅二手煙受害者😢意味吸煙唔單止傷害你自己，仲可能傷害你身邊嘅親人、朋友。
2023年度健康行為調查數據顯示：
❇ 15歲以上人士當中15.4%曾經吸煙（男性為27.4%，女性為4.8%）
❇ 45-54歲人士曾經吸煙比例最高，達到20.5%
❇ 71.9%曾經吸煙人士現時仍有吸煙習慣，特別係15-54歲年齡組別中，比例更高達80%
👉好消息係，戒煙對任何年齡的人均有好處，而且越早戒煙，生活就越健康！ 所以戒煙唔只為咗自己健康，更加係為咗同家人擁有更長久嘅幸福時光。
心動不如行動，今日就開始戒煙啦🚭
✳️ 戒煙熱線1833183及更多 #戒煙資訊：
https://www.livetobaccofree.hk/tc/index.html
✳️ 更多關於2023年度健康行為調查報告書內容，請瀏覽：
https://www.chp.gov.hk/tc/static/101105.html
#2023年度健康行為調查 #吸煙危害健康 #戒煙 #癌症 #心血管疾病 #慢性肺病 #糖尿病 #削弱免疫力 #無煙生活 #向煙說不 #締造無煙香港 #BeatNCD